واشنگٹن (پاک ترک نیوز)
ناسا نے ایک چھوٹا مصنوعی سیارہ خلا میں روانہ کیا ہے جس کا مقصد پہلی بار زمین کے قطبین سے نکلنے والی گرمی کی پیمائش کرکے موسمیاتی تبدیلی کی پیشن گوئی کو بہتر بنانا ہے۔
ناسا کے ارتھ سائنسز ریسرچ ڈائریکٹر کیرن سینٹ جرمین نے ایک نیوز کانفرنس میں بتایا ہےکہ یہ نئی معلومات جو ہمارے پاس اس سے پہلے کبھی نہیں تھی کہ قطبوں میں کیا ہو رہا ہے۔ آب و ہوا میں کیا ہو رہا ہے ۔ اب اس سب کی ماڈلنگ کرنے کی ہماری صلاحیت کو بہتر بنائے گی۔
دلچسپ امر یہ ہے کہ یہ سیٹلائٹ جو جوتوں کے ڈبے کے سائز کا ہے۔ ایک الیکٹران راکٹ کے ذریعے لانچ کیا گیا تھا۔ جسے راکٹ لیب نامی کمپنی نے بنایا تھا جو نیوزی لینڈ کے شمال میں ماہیا سے روانہ ہوا۔اسمشن کو پری فائر کہا جاتا ہے۔
انہوں نے مزید کہا کہ پری فائرکے ساتھ، ناسا کا مقصد یہ سمجھنا ہے کہ بادل، نمی یا برف کا پانی میں پگھلنا قطبین سے گرمی کے اس نقصان کو کیسے متاثر کرتا ہے۔ کیونکہ اب تک جو ماڈل موسمیاتی تبدیلی کے سائنسدان گرمی کے نقصان کا اندازہ لگانے کے لیے استعمال کرتے تھے وہ حقیقی مشاہدات کے بجائے نظریات پر مبنی تھے۔انہوں نے مزید کہا کہ امید ہے کہ ہم مستقبل میں سمندر کی سطح میں اضافہ کیسا نظر آ سکتا ہے اس کی تقلید کرنے کی اپنی صلاحیت کو بہتر بنا سکیں گے اور یہ بھی کہ قطبی آب و ہوا کی تبدیلی کرہ ارض کے گرد موسمی نظام کو کس طرح متاثر کر رہی ہے۔
سینٹ جرمین نے کہا کہ اس طرح کے چھوٹے سیٹلائٹس انتہائی مخصوص سائنسی سوالات کے جوابات دینے کا ایک کم لاگت والا طریقہ ہے۔انہوں نے کہا کہ بڑے سیٹلائٹس کو "عام” اور چھوٹے سیٹلائٹس کو "ماہر” سمجھا جا سکتا ہے۔ جبکہ ناسا کو دونوں کی ضرورت ہے۔