پشاور(پاک ترک نیوز) شمالی وزیرستان میں سکیورٹی فورسز اور دہشت گردوں کے درمیان فائرنگ کے نتیجے میں پاک فوج کے 6جوان جام شہادت نوش کر گئے جبکہ جوائی کارروائی میں 3دہشت گرد بھی ہلاک ہوگئے ۔
آئی ایس پی آر کا کہناہےکہ شمالی وزیرستان کے علاقے دیردونی میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔
سیکیورٹی فورسز نے مؤثر کارروائی کرتے ہوئے 3 دہشت گردوں کو ہلاک اور 2 کو زخمی کردیا۔ فائرنگ کے شدید تبادلے کے دوران 6 جوان شہید ہوگئے۔
آئی ایس پی آر کے مطابق شہداء میں حوالدار سلیم خان، نائیک جاوید اقبال ، سپاہی حضرت بلال، سپاہی نذیر خان، سپاہی سید رجب حسین اور سپاہی بسم اللہ جان شہداء شامل ہیں۔