ایشیا کپ کیلئے آن لائن ٹکٹوں کی فروخت کا آغاز

لاہور(پاک ترک نیوز) ایشیا کپ کیلئے آن لائن ٹکٹوں کی فروخت کا آغاز ہو گیا ۔
ابتدائی طورپر صرف پاکستان میں کھیلے جانے والے میچز کے ٹکٹ دسیتاب ہیں۔ بک می ڈاٹ پی کے پر آن لائن ٹکٹ فروخت کے لیے پیش کردیئے گئے ہیں۔
یاد رہے کہ پاکستان میں ایشیا کپ کے چار میچز کھیلے جائیں گے۔ پاکستان اور نیپال کے درمیان افتتاحی میچ 30 اگست کو ملتان سٹیڈیم میں ہو گا۔
سری لنکا، بنگلہ دیش اور افغانستان کے درمیان میچز قذافی سٹیڈیم لاہور میں ہوں گے۔
پی سی بی کے مطابق مہنگا ترین ٹکٹ 10 ہزار روپے کا رکھا گیاہے۔ اس کے ساتھ 8 ہزار پانچ سو، 7 ہزار، 6 ہزار، 5 ہزار، 4 ہزار، ڈھائی ہزار اور 1500 روپے میں بھی ٹکٹس کی بکنگ کرائی جاسکتی ہے۔ ٹکٹ 14 اگست کو بھی عوام کو دستیاب ہوں گے۔