کراچی (پاک ترک نیوز) پاکستان اور نیوزی لینڈ کے درمیان تین ایک روزہ میچوں کی سیریز کا دوسرا میچ کل کراچی میں کھیلا جائے گا۔شاہین سیریز اپنے نام کرنے کیلئے پرعزم ہیں ۔ کیوی ٹیم بھی پہلے شکست کا حساب برابر کرنے کیلئے بے چین ہیں ۔
تفصیلات کے مطابق پاکستان اور نیوزی لینڈ کی ٹیموں کے درمیان سیریز کا دوسرا ایک روزہ میچ میچ کل کراچی کے نیشنل سٹیڈیم میں کھیلا جائے گا ۔ پاکستانی وقت کے مطابق یہ میچ بھی 2بجکر 30منٹ پر ہو گا۔
ترجمان پاکستان کرکٹ بورڈ (پی سی بی) کے مطابق قومی ٹیم آج آرام کرے گی جبکہ کل نیوزی لینڈ کے خلاف سیریز کے دوسرے ون ڈے میں مدمقابل آئے گی۔
پاکستان نے گزشتہ روز پہلے میچ میں نیوزی لینڈ کو 6وکٹوں سے شکست دی تھی ۔پاکستان کو سیریز میں ایک صفر کی برتری حاصل ہے ۔
اس میچ میں پاکستان کی جانب سے نسیم شاہ نے 5 وکٹیں جبکہ اوپنر فخر زمان، کپتان بابراعظم اور محمد رضوان کی نصف سینچریاں بھی شامل تھیں۔
واضح رہے کہ دونوں ٹیموں کے مابین سیریز کا تیسرا اور آخری میچ 13 جنوری کو نیشنل اسٹیڈیم کراچی میں کھیلا جائے گا۔