پاکستان جونیئر ہاکی ایشیا کپ کے سیمی فائنل میں آج ملائیشیا کے مد مقابل آئے گا

لاہور(پاک ترک نیوز) پاکستان جونیئر ہاکی ایشیا کپ کے سیمی فائنل میں آج ملائیشیا کے مد مقابل آئے گا ۔ پاکستانی وقت کے مطابق یہ میچ رات 10بجے شروع ہو گا ۔
تفصیلات کے مطابق عمان کے شہر صلالہ میں میگا ایونٹ کے پہلے سیمی فائنل میں بھارت کو کوریا جبکہ پاکستان کو ملائیشیا کا چیلنج درپیش ہوگا۔
پاکستان نے آخری لیگ مقابلے میں جاپان کو 2-3 سے شکست دیکر نہ صرف سیمی فائنل میں پہنچی بلکہ ورلڈکپ 2023 کیلئے بھی کوالیفائی کرلیا تھا۔
ٹیم انتطامیہ کے مطابق لڑکوں نے پہلے بھارت اور پھر جاپان کے خلاف جس شاندار کاررکدگی کا مظاہرہ کیا، اس سے اعتماد میں اضافہ ہوا ہے، کوشش ہوگی ملائیشیا کے خلاف کامیابی سمیٹ کر فائنل میں جگہ بنائیں۔