پاکستان آسٹریلیا کیخلاف دوسرا وارم اپ میچ آج کھیلے گی ،سری لنکا افغانستان جبکہ بھارت نیدر لینڈ بھی مد مقابل

لاہور(پاک ترک نیوز) ورلڈ کپ کے وارم اپ میچ میں آج پاکستان اور آسٹریلیا کے درمیان میچ کھیلا جائے گا ۔
قومی کرکٹ ٹیم ورلڈ کپ 2023ء کیلئے اپنا دوسرا وارم اپ میچ بھارت کے شہر حیدر آباد دکن میں آج آسٹریلیا کے خلاف کھیلے گی جبکہ دوسرے وارم اپ میچ میں سری لنکا کا مقابلہ افغانستان سے ہو گا ۔تیسرے وار اپ میچ میں بھارتی ٹیم نیدر لینڈز کا مقابلہ کرے گی۔
پاکستان اور آسٹریلیا کے درمیان دوسرا وارم اپ میچ آج دوپہر 1 بج کر 30 پر شروع ہو گا، ون ڈے فارمیٹ کے عالمی کپ کا آغاز 5 اکتوبر سے ہو گا، پاکستان ایونٹ کا پہلا میچ 6 اکتوبر کو نیدر لینڈز سے کھیلے گا۔قومی ٹیم کو پہلے وارم اپ میچ میں نیوزی لینڈ کے ہاتھوں شکست کا سامنا کرنا پڑا تھا۔
ورلڈ کپ کے آغاز سے قبل شاہینوں کی بھرپور تیاری جاری ہے، قومی ٹیم نے گزشتہ روز بھی راجیو گاندھی انٹرنیشنل سٹیڈیم میں پریکٹس کی، کھلاڑیوں نے بیٹنگ، باؤلنگ اور فیلڈنگ کی خامیوں کو دور کرنے کیلئے سخت محنت کی، مکی آرتھر بھی ٹیم کے ساتھ موجود ہیں۔