لاہور(پاک ترک نیوز) پاکستان سپر لیگ 8میں آج لاہور قلندرز کا اسلام آباد یونائیٹڈ سے جوڑ پڑے گا۔
تفصیلات کے مطابق پاکستان سپر لیگ کے دلچسپ مقابلے جاری ہیں ۔ آج ایک میچ کھیلا جائے گا ۔ ہوم گرائونڈ پر قلندرز کو اسلام آباد یونائیٹڈ کا چیلنج درپیش ہے ۔ پاکستانی وقت کے مطابق یہ میچ شام سات بجے کھیلا جائے گا۔
پی ایس ایل 8میں کل آرام کا دن ہو گا ۔گزشتہ روز دو میچ کھیلے گئے ۔پہلے میچ میں کراچی کنگز نے ملتان سلطانز کو 66رنز سے شکست دی تھی جبکہ دوسرے میچ میں لاہورقلندرز نے پشاور زلمی کو 40رنز سے زیر کیا تھا ۔
اس وقت پوائنٹس ٹیبل کی بات کی جائے تو ملتان سطانز 8پوائنٹ کے ساتھ پہلے جبکہ اسلام آباد یونائیٹڈ 6پوائنٹس کے ساتھ دوسرے اور لاہور قلندرز بھی 6پوائنٹس کے ساتھ تیسرے نمبرپر موجود ہے ۔کراچی کنگز کا 4پوائنٹس کے ساتھ چوتھا جبکہ پشاور زلمی بھی 4پوائنٹس کے ساتھ پانچویں نمبر پر براجمان ہے جبکہ ایونٹ کی آخری ٹیم کوئٹہ گلیڈی ایٹرز ہے جو 2پوائنٹس کے ساتھ چھٹے نمبر پر موجود ہے ۔