ملتان (پاک ترک نیوز) پاکستان سپر لیگ (پی ایس ایل )کے 8ویں ایڈیشن میں ملتان سلطان کا آج مقابلہ پشاور زلمی سے ہو گا۔
ملتان سلطان ہوم گرائونڈ پر پشاور زلمی کیخلاف میدان میں اترے گی ۔دونوں ٹیمیں جیت کیلئے پرعزم ہیں ۔
دوسر ی جانب گزشتہ رات کھیلے گئے میچ میں اسلام آباد یونائیٹڈ نے کراچی کنگزکو شکست دی تھی ۔یونائیٹڈ نے ٹاس جیت کر پہلے فیلڈنگ کا فیصلہ کیا ۔
کراچی کنگز نے حیدر علی کے 59رنز کی بدولت مقررہ بیس اوورز میں 173رنز بنائے تھے جبکہ اس کے 7کھلاڑی آئوٹ ہوئے تھے۔یونائیٹڈ کی جانب سے رومان رئیس ،ٹام کرن اور محمد وسیم نے دو دو کھلاڑیوں کو پویلین کی راہ دکھائی ۔
اسلام آباد یونائیٹڈ نے 174رنز کا ہدف 10گیندیں قبل ہی 6وکٹوں کے نقصان پر پورا کرلیا ۔یونائیٹڈ کی جانب سے کولن منرو نے 58جبکہ اعظم خان نے 44رنز بنائے ۔
کراچی کنگز کی جانب سے محمد عامر اور محمد موسی نے دو دو کھلاڑیوں کو آئوٹ کیا ۔