پی ایس ایل 8،پشاور زلمی اور کراچی کنگز آج مد مقابل

راولپنڈی (پاک ترک نیوز) پاکستان سپر لیگ سیزن 8میں پشاور زلمی اورکراچی کنگز آج مد مقابل ہوں گے ۔ پاکستانی وقت کے مطابق یہ میچ شام سات بجے کھیلا جائے گا ۔
پریس کانفرنس کرتے ہوئے کراچی کنگز کے کپتان عماد وسیم کا کہنا تھا کہ آخری میچ جیتنے کے بعد کافی ایڈوانٹیج ملاہے ورنہ ہم ٹورنامنٹ سے باہر ہو گئے تھے۔ٹیم سلیکشن میں کچھ غلطیاں ہوئی ہیں، ٹورنامنٹ کا اختتام بہتر طریقے سے کریں گے، آخری میچ میں کامیابی کیساتھ کم بیک کیا ہے، چھوٹے مارجن سے میچ ہارے ہیں جبکہ بڑے مارجن سے میچ جیتے ہیں۔
عماد وسیم نے کہا کہ ہم دو تین سال سے پنڈی میں میچ کھیل رہے ہیں، پنڈی کرکٹ سٹیڈیم کی وکٹ ٹی 20 میچز کے لئے بہترین ہوتی ہے، چھکے چوکوں کی برسات ہو گی تو شائقین کرکٹ خوش ہوں گے۔
کپتان کراچی کنگز نے کہا کہ ٹیم کی کارکردگی سے مطمئن نہیں ہوں، نوجوان کھلاڑیوں کے لئے پی ایس ایل اچھا پلیٹ فارم ہے، ڈومیسٹک میں اچھی پرفارمنس دینے کے بعد پی ایس ایل میں طیب طاہر اچھی پرفارمنس دے رہے ہیں، ان کے لئے انٹر نیشنل کرکٹ کے دروازے کھلے ہیں، ملتان سلطانز کا احسان اللہ اچھی باؤلنگ کروا رہا ہے۔
انہوںنے کہا کہ ہوم گراونڈ اور ہوم کراؤڈ بارہواں کھلاڑی ہوتا ہے، کراؤڈ کے پریشر میں بھی مزہ آتا ہے، قاسم اکرم مستقبل کا سرمایہ ہیں، اس کی جگہ عرفان نیازی کو لے آئے ہیں۔
کپتان کراچی کنگز نے کہا کہ عمران طاہر اور تبریز شمسی کو ٹیم کا حصہ بنانا چاہتے تھے تاہم پہلے میچوں میں عمران طاہر کو موقع دیا گیا۔
عماد وسیم نے کہا کہ تمام فیصلوں کی ذمہ داری لیتا ہوں تاہم کوچز کیساتھ بھی مشاورت کرتا ہوں۔