لاہور(پاک ترک نیوز) پاکستان سپر لیگ(پی ایس ایل )8کی افتتاح تقریب آج ہوگی ۔ ایونٹ جیتنے والی ٹیم نئی چمچاتی ٹرافی کے ساتھ 12کروڑ کی حقدار قرار پائے گی جبکہ فائنل ہارنے والی ٹیم 4 کروڑ 80 لاکھ کی رقم اپنے ساتھ لے جائے گی ۔
تفصیلات کے مطابق پاکستان کرکٹ بورڈ نے پاکستان سپر لیگ (پی ایس ایل )کے آٹھویں ایڈیشن کی انعامی رقم کا اعلان کر دیا۔افتتاحی میچ میں دفاعی چیمپئن لاہور قلندرز اور ملتان سلطانز کا مقابلہ ہو گا۔
میچ سے قبل ملتان سٹیڈیم میں رنگا رنگ افتتاحی تقریب بھی منعقد ہو گی جس میں پی ایس ایل 8 کا نغمہ گانے والے گلوکار آواز کا جادو جگائیں گے۔
ایونٹ کا فائنل 19 مارچ کو لاہور کے قذافی سٹیڈیم میں کھیلا جائے گا، پی ایس ایل جیتنے والی ٹیم کو 24 قیراط سونے سے بنی ٹرافی کے ساتھ 12 کروڑ روپے کی انعامی رقم بھی دی جائے گی جبکہ فائنل ہارنے والی ٹیم 4 کروڑ 80 لاکھ کی رقم گھر لے کر جائے گی۔
رہ9 رہے کہ پی ایس ایل 7کی فاتح ٹیم کو 8 کروڑ جبکہ رنر اپ کو 3 کروڑ 20 لاکھ روپے ملے تھے۔