رونالڈو گول سکور کرنے کے بعد سجدہ ریز ہو گئے

ریاض (پاک ترک نیوز) پرتگال کے سٹار فٹبالر کرسٹیانو رونالڈو سعودی پرو لیگ میں گول سکور کرنے کے بعد سجدہ ریز ہو گئے ۔

سماجی رابطے کی سائٹ ٹوئٹر پر ایک ویڈیو تیزی سے وائرل ہورہی ہے جس میں دیکھا جاسکتا ہے کہ کرسٹینا رونالڈو سعودی پرو لیگ کے دوران الشاب کے خلاف گول سکور کرنے کے بعد ساتھ کھلاڑیوں کے ساتھ سجدہ کررہے ہیں جس کی پر تمام کھلاڑی تالیاں بجا کر خوشی کا اظہار کررہے ہیں۔
رونالڈو گول سکور کرنے کے بعد اپنے ٹریڈ مارک اسٹائل میں ’سیو‘ (جشن منانے کا انداز) اپناتے تھے تاہم گزشتہ روز انہوں نے سجدہ کیا جس کی ویڈیو سوشل میڈیا پر خوب وائرل ہورہی ہے۔
الاول پارک سٹیڈیم میں کرسٹیانو رونالڈو کی ٹیم نے الشباب کے خلاف 2-3 سے فتح سمیٹی اور سعوفی پرو لیگ میں فائنل کھیلنے کی امیدوں کو زندہ رکھا۔
یادرہے کہ اسٹار فٹبالر کی جانب سے میچ کے 59 ویں منٹ میں گول اسکور کیا گیا تھا۔