ڈبلن (پاک ترک نیوز) پاکستان اور آئرلینڈ کے درمیان ٹی20 میچ آج ڈبلن میں کھیلا جائے گا۔
دونوں ٹیمیں تین میچوں پر مشتمل سیریز کے دوسرے ٹی ٹونٹی میں آج مدمقابل آئیں گی، میچ پاکستانی وقت کے مطابق شام 7 بجے شروع ہوگا۔میچ سے قبل محکمہ موسمیات کی جانب سے بارش کی بھی پیشگوئی کررکھی ہے۔
سیریز کے پہلے میچ میں ویزہ تاخیر ہونے کے سبب فاسٹ بولر محمد عامر پلئینگ الیون کا حصہ نہیں بن سکے تھے انکی ٹیم میں واپسی کا امکان ہے جبکہ مزید دو تبدیلیاں بھی متوقع ہیں، سلمان آغا کو اعظم خان جبکہ ابرار احمد کو بھی موقع دیئے جانے کا قوی امکان ہے۔
یاد رہے کہ تین ٹی20 میچ پر مشتمل سیریز میں آئرلینڈ کو 0-1 کی برتری حاصل ہے۔