ستمبر کے مقابلے میں اکتوبر میں ترسیلات زر میں نمایاں اضافہ

کراچی(پاک ترک نیوز) ستمبر کے مقابلے میں اکتوبر 2023ء میں پاکستانیوں کی جانب سے ترسیلات زر میں نمایاں اضافہ دیکھنے میں آیا ہے ۔
اسٹیٹ بینک کے مطابق دیار غیر میں مقیم پاکستانیوں کی جانب سے ترسیلات زر کی مد میں 2.5 ارب ڈالر کی رقم سٹیٹ بینک کو موصول ہوئی۔نمو کے لحاظ سے اکتوبر 2023ء کے دوران ترسیلات زر میں ماہانہ بنیاد پر 11.5 فیصد اور سالہ بنیاد پر 9.6 فیصد اضافہ ہوا۔
مالی سال 2024 کے پہلے چار مہینوں کے دوران ترسیلات زر کی مد میں 8.8 ارب ڈالر کی رقم آئی۔اکتوبر 2023ء کے دوران ترسیلات زر زیادہ تر سعودی عرب سے 616.8 ملین ڈالر، متحدہ عرب امارات سے 473.9 ملین ڈالر، برطانیہ سے 330.2 ملین ڈالر اور امریکا سے 283.3 ملین ڈالر موصول ہوئیں۔