جوہانسبرگ(پاک ترک نیوز) سری لنکن ویمنز کرکٹ میں ایک روزہ میچ کے دوران 300سے زائد رنز کا ہدف عبور کر کے تاریخ رقم کردی ۔
تفصیلات کے مطابق سری لنکا ویمنز ٹیم نے ون ڈے انٹرنیشنلز میں 300 سے زائد کا ہدف عبور کرکے پہلی ٹیم بننے کا اعزاز حاصل کیا۔
جنوبی افریقن ویمن ٹیم کے خلاف تیسرے ون ڈے میں سری لنکا نے 302 کا ہدف 33گیند قبل حاصل کرلیا، جنوبی افریقا کے 301کے جواب میں سری لنکا ویمن نے 4 وکٹ پر 305 رنز اسکور کیے۔
سری لنکن ٹیم کی جانب سے بنایا گیا اسکور ویمنز ون ڈے انٹرنیشنل کرکٹ میں سب سے بڑا کامیاب رن چیز ہے۔
میچ میں سری لنکن کپتان چماری اتھاپتھو نے 139 گیندوں پر 26 چوکوں اور 5 چھکوں کی مدد سے ناقابل شکست 195 رنز کی اننگز کھیل کر ٹیم کو فتحیاب کروایا۔
چماری اتھاپتھو کا اسکور ویمن ون ڈے میں دوسری اننگز کا سب سے بڑا اسکور اور مجموعی طور پر ویمن ون ڈے کرکٹ کا تیسرا سب سے بڑا انفرادی اسکور بھی اپنے نام کیا۔