سٹیٹ بینک کے ذخائر چھ ماہ کی بلند ترین سطح پر پہنچ گئے

کراچی (پاک ترک نیوز) سٹیٹ بینک آف پاکستان کے ذخائر چھ ماہ کی بلند ترین سطح پرپہنچ گئے ۔سٹیٹ بینک کے ذخائر8.2 بلین ڈالر سے تجاوز کر گئے۔
سٹیٹ بینک آف پاکستان (SBP) کے مطابق زرمبادلہ کے ذخائر 29 دسمبر کو ختم ہونے والے ہفتے کے دوران 464 ملین ڈالر کی آمد کے بعد تقریباً چھ ماہ کی بلند ترین سطح 8.221 بلین ڈالر پر پہنچ گئے۔
گزشتہ ہفتے میں 853ملین ڈالرز کی آمد کے بعد مرکزی بینک کے ذخائر میں مجموعی طور پر 1ارب 31کروڑ ڈالرز کا اضافہ ہوا تھا۔
دو ہفتوں میں اس بڑے اضافے کے باوجود روپیہ زیادہ جوش و خروش نہیں دکھا سکا اور امریکی ڈالر کے مقابلے میں پرسکون رہا کیونکہ اس نے انٹربینک مارکیٹ میں صرف پانچ پیسے کا اضافہ دیکھا گیا
جمعرات کو بینکنگ مارکیٹ میں ڈالر کی اختتامی قیمت 281.67 روپے تھی جو ایک دن پہلے 281.72 روپے تھی۔
حکومت کی جانب سے آئی ایم ایف کے ساتھ نو ماہ کے 3 بلین ڈالر کے اسٹینڈ بائی ارینجمنٹ تک پہنچنے کے بعد سٹیٹ بینک کے زرمبادلہ کے ذخائر بڑھنے لگے۔
1.2 بلین ڈالر کی پہلی قسط کے بعد، حکومت سعودی عرب اور متحدہ عرب امارات سے رقوم کو راغب کرنے میں بھی کامیاب ہوئی جس سے جولائی میں مجموعی طور پر اسٹیٹ بینک کے ذخائر 8.138 بلین ڈالر تک بڑھ گئے۔