انٹربینک میں ڈالر تاریخ کی بلند ترین سطح پر پہنچ گیا

کراچی(پاک ترک نیوز) انٹربینک میں امریکی کرنسی ڈالر تاریخ کی بلند ترین سطح پر پہنچ گیا۔
کاروباری ہفتے کے تیسرے روز انٹربینک میں امریکی ڈالر کی قیمت میں 95 پیسے کا اضافہ ہوا جس کے بعد انٹر بینک میں امریکی کرنسی ڈالر کی قیمت304 روپے کی سطح پر پہنچ گیا جو کہ تاریخ کی بلند ترین سطح ہے۔
یاد رہے کہ گزشتہ روز انٹربینک میں امریکی کرنسی کی قدر میں 1 روپے 5 پیسے کا اضافہ ہوا جس کے بعد انٹربینک میں ڈالر 303 روپے 5 پیسے پر بند ہوا۔
پاکستان سٹاک ایکسچینج میں آج کاروبار کی شروعات میں ملا جلا رجحان دیکھا جا رہا ہے، پی ایس ایکس 100 انڈیکس صرف 5 پوائنٹس بڑھ کر 46 ہزار 775 پر آگیا ہے جو گزشتہ روز 46 ہزار 770 پر بند ہوا تھا۔