لاہور(قیوم زاہد سے ) پہلی وزیراعلیٰ پنجاب پنک گیمز کے حوالے سے ڈی جی سپورٹس پنجاب پرویز اقبال کی زیر صدارت اہم اجلاس ہوا۔
اجلاس میں وزیراعلیٰ پنجاب پنک گیمز 2024کی تیاریوں کا جائزہ لیا گیا۔
ڈی جی سپورٹس پنجاب کاکہنا تھا کہخواتین کی پہلی وزیراعلیٰ پنجاب پنک گیمز 2سے5مئی تک لاہور میں ہوں گی۔پنک گیمز میں پنجاب کے تمام ڈویژن سے خواتین کی ٹیمیں شرکت کریں گی۔
ان کا کہنا تھا کہ پنجاب کی16 یونیورسٹیوں سے خواتین کھلاڑی شریک ہوں گی۔پہلی وزیراعلیٰ پنجاب پنک گیمز میں 7کھیلوں کے مقابلے ہوں گے۔پنک گیمز میں اتھلیٹکس ہاکی، باسکٹ بال اور آرچری کے مقابلے ہوں گے۔
کرکٹ ٹیپ بال، بیڈمنٹن اور ٹیبل ٹینس کے مقابلے ہوں گے۔وزیراعلیٰ پنجاب کے ویژن کے مطابق خواتین کے میگا گیمز کروانے جارہے ہیں۔
اجلاس میں ڈائریکٹر سپورٹس یاسمین اختر اور ڈائریکٹر ایڈمن محمد کلیم کی شرکت جبکہ ڈپٹی ڈائریکٹر ظہور احمد اور عطاء الرحمن بھی شریک ہوئے۔