کہرامن ماراس(پاک ترک نیوز)
اقوام متحدہ کا مرکز ترکی کے ڈیزاسٹر اینڈ ایمرجنسی منیجمنٹ پریذیڈنسی (اے ایف اے ڈی) کے ساتھ قریبی ہم آہنگی میں چل رہا ہے۔ اسے درجنوں بین الاقوامی ٹیموں کی نگرانی کا اہم کام سونپا گیا جو تلاش اور بچاؤ کے آپریشن میں مدد کے لیے ملک میںخدمات سرانجام دے رہی ہیں۔
ترک سرکاری میڈیا کی رپورٹ کے مطابق یہ ایک کمرے کا یونٹ کہرامن ماراس شہر کے مضافات میں ایک کنٹینر میں قائم کیا گیا ہے۔اور اس یونٹ نے ترکیہ میں تباہ کن زلزلے کے ایک دن بعد کام شروع کیا تھا صرف ایک دن بعد شروع ہوا اوراس کنٹینر کے اندر سے لوگ کہرامن ماراس میں کام کرنے والی 28 ممالک سے کم از کم 30 ٹیموں کا انتظام کر رہے ہیں۔
، اقوام متحدہ کی زیر قیادت انٹرنیشنل سرچ اینڈ ریسکیو ایڈوائزری گروپ(آئی این ایس اے آر اےجی) 1991 میں قائم کیا گیاتھا ۔ اسے آفات کا شکار اور آفات سے نمٹنے والے ممالک اور تنظیموں کے نیٹ ورک کے طور پر دیکھا جاتا ہے ۔جو شہری تلاش اور بچاؤ اور آپریشنل فیلڈ کوآرڈینیشن کے لیے وقف ہے۔
سنگاپور کے ایک اہلکار نظام کی سربراہی میں ترکی کے مرکز میں کم از کم پانچ آئی این ایس اے آر اےجی کے تربیت یافتہ افراد فرنٹ، رجسٹریشن، منصوبہ بندی، آپریشنز اور لاجسٹک ڈیسک کا انتظام کرتے ہیں۔ کوآرڈینیشن ٹیم میں ترجمے اور دیگر اہم مقامیمعلومات کے لیے ترک نوجوان معاونین کے طور پرخدمات سرانجام دے رہے ہیں۔
اب تک 18 غیر ملکی ٹیمیں ہفتہ بھر کی تلاش اور امدادی کارروائیوں کے بعد بدھ کی شام تک جنوبی صوبے سے روانہ ہو چکی ہیں۔اور بین الاقوامی ٹیموں کی متحد اور اجتماعی کوششوں کی وجہ سے 115 زندہ بچ جانے والوں کو بچانے میں کامیابی ملی ہے۔جبکہ اس دوران تباہ شدہ عمارتوں کے ملبے سے ایک ہزار سے زائد لاشیں بھی نکالی گئی ہیں۔
ترکی کی وزارت خارجہ کے مطابق، 80 ممالک کے 9,315 اہلکار پیر تک ملک میں پہنچ چکے ہیں۔جو زلزلے کی اس آفت کے ٹھیک ایک ہفتہ بعد ہاتائے، غازی انتیپ، ادیامان، ملاتیا اور کہرامن ماراس کے آفت زدہ علاقوں میں امدادی سرگرمیوں میں ہاتھ بٹا رہے ہیں۔