پاکستانی ٹیم ورلڈ کپ میںشرکت کیلئے آج رات دبئی کے راستہ بھارت روانہ ہو گی

لاہور(پا ک ترک نیوز) پاکستان کرکٹ ٹیم بھارت میں شیڈول آئی سی سی ورلڈ کپ 2023میںشرکت کیلئے آج رات دبئی کے راستہ روانہ ہو گی ۔
قومی ٹیم بھارت آج رات 9بجے لاہور کے علامہ اقبال انٹرنیشنل ائیرپورٹ سے دبئی کیلئے روانہ ہوگی جہاں مختصر قیام کے بعد حیدرآباد پہنچے گی۔
بھارتی حکام نے گزشتہ روز پاکستان کرکٹ بورڈ (پی سی بی) کے انٹرنیشنل کرکٹ کونسل (آئی سی سی) کے احتجاج کے بعد 33 رکنی اسکواڈ اور سپورٹ اسٹاف کے ویزے جاری کیے تھے۔بھارت کی جانب سے قومی ٹیم کے ویزوں میں تاخیر کے باعث دبئی میں قیام مختصر کردیا گیا ہے۔
پاکستانی شائقین کرکٹ کے ویزوں کے حوالے سے تاحال کوئی پیشرفت سامنے نہیں آئی ہے جس کے باعث تشویش موجود ہے۔محض 250 پاکستان شائقین کو ویزے دیئے جائیں گے۔
یاد رہے کہ قومی ٹیم کو 29 سمتبر کو نیوزی لینڈ کے خلاف وارم اَپ میچ میں بھی حصہ لینا ہے۔