نامزد نگران وزیراعظم انوار الحق کاکڑ کا سینیٹ سے استعفیٰ منظور

اسلام آباد (پاک ترک نیوز) نامزد نگراں وزیر اعظم انوار الحق کاکڑ کا چیئرمین سینیٹ صادق سنجرانی نے استعفیٰ منظور کر لیا جس کا نوٹیفکیشن بھی جاری کر دیا گیا۔
نوٹیفکیشن کے مطابق انوار الحق کاکڑ کی سینیٹ کی نشست 14 اگست سے خالی قرار دی جاتی ہے، انوار الحق کاکڑ نے نگراں وزیرِ اعظم بننے کے بعد غیرجانبدار رہنے کے لیے اپنی نشست سے استعفیٰ دیا ہے۔
یاد رہے کہ نامزد نگراں وزیر اعظم انوار الحق کاکڑ نے پارلیمان کے ایوان بالا (سینیٹ) اور بلوچستان عوامی پارٹی (بی اے پی) کی رکنیت سے مستعفیٰ ہونے کا فیصلہ کیا تھا۔
انوارالحق کاکڑ نے کہا تھا کہ بطور نگراں وزیر اعظم سیاسی غیر جانب داری ثابت کرنی ہے، آزادانہ اور منصفانہ انتخابات کرانا بنیادی ذمہ داری ہے۔