امریکہ نے بھی کریملن حملے میں ملوث ہونے کی تردید کردی

واشنگٹن (پاک ترک نیوز) امریکہ نے بھی کریملن پر حملے میں ملوث ہونے کی تردید کردی ۔
تفصیلات کےمطابق روس کی جانب سے ماسکو میں پیوٹن کی زندگی پر مبینہ طور پر حملے کے پیچھے واشنگٹن اور کیف پر الزام عائد کرنے کے بعد، امریکہ نے کہا کہ وہ یوکرین کو اپنی سرحدوں سے باہر حملہ کرنے کی حوصلہ افزائی یا اہل نہیں کرتا ہے۔
یوکرین نے بھی اس حملے کی ذمہ داری سے انکار کیا ہے ۔
دوسری جانب کیف اور اوڈیسا سمیت کئی شہروں میں رات بھر دھماکوں کی آوازیں سنی گئیں۔صدر ولادیمیر زیلینسکی کا کہنا ہے کہ ہیگ میں بین الاقوامی فوجداری عدالت کے دورے کے دوران پیوٹن اپنے اعمال کی سزا کے مستحق ہیں۔
حکام کا کہنا ہے کہ جنوبی یوکرین کے شہر خیرسون پر روسی حملے میں کم از کم 23 افراد ہلاک ہو گئے، جہاں گزشتہ58 گھنٹے سے کرفیو ہے ۔