احمد آباد (پاک ترک نیوز) آئی سی سی کرکٹ ورلڈ کپ 2023کا کل سے آغاز ہوگا۔ افتتاحی میچ میں دفاعی چیمپئن انگلینڈ اور نیوزی لینڈ کی ٹیمیں کل مد مقابل آئیں گی۔
تفصیلات کے مطابق بھارت کے شہر احمد آباد میں آئی سی سی ورلڈ کپ کا افتتاحی میچ کل دفاعی چیمپئن انگلینڈ اور نیوزی لینڈ کے درمیان کل کھیلا جائے گا ۔پاکستانی وقت کے مطابق یہ میچ دن ایک بج کر 30منٹ پرشروع ہو گا ۔
اس سے قبل بورڈ آف کنٹرول فار کرکٹ ان انڈیا (بی سی سی آئی) نے اعلان کیا ہے کہ کرکٹ ورلڈ کپ 2023ء سے قبل افتتاحی تقریب نہیں ہو گی۔
بی سی سی آئی نے افتتاحی تقریب کے حوالے سے پلان تبدیل کر لیا، افتتاحی تقریب پاک بھارت میچ سے قبل شیڈول کی جائے گی۔بی سی سی آئی کے مطابق ورلڈ کپ فائنل کے روز اختتامی تقریب احمد آباد میں شیڈول کے مطابق منعقد کی جائے گی۔
پاکستان اپنا پہلا میچ 6اکتوبر کو نیدر لینڈ کیخلاف کھیلے گا جبکہ ورلڈ کپ کا ہائی وولٹیج میچ پاک بھارت ٹاکرا 14اکتوبر کو احمد آباد گرائونڈ میں ہو گا ۔ میگا ایونٹ کے دوران بھارت کے 10سٹیڈیمز میں 48میچز کھیلے جائیں گے ۔