بھارت کیخلاف میچ کا کوئی دباؤ نہیں، اپنا بیسٹ دیں گے: بابر اعظم

احمد آباد(پاک ترک نیوز) پاکستان کرکٹ ٹیم کے کپتان بابر اعظم کاکہنا ہے کہ بھارت کیخلاف میچ کا کوئی دباؤ نہیں، اپنا بیسٹ دیں گے۔

پہلے احمد آباد میں پری میچ پریس کانفرنس میں بابر اعظم نے کہا کہ نسیم شاہ کی کمی محسوس کریں گے، انہوں نے ایشیاء کپ میں متاثر کن باؤلنگ کی تھی، شاہین آفریدی پر یقین ہے کہ وہ بڑے میچ کے باؤلر ہیں، ایک دو میچز میں اوپر نیچے پرفارمنس ہو گئی تو اس کا مطلب یہ نہیں کہ سوالیہ نشان آ گیا۔
ان کا مزید کہنا تھا کہ نے کہا کہ ورلڈ کپ جیتنا ہے تو فیلڈنگ بہتر ہونی چاہیے، کھلاڑیوں پر بڑے سٹیڈیم کا دباؤ نہیں، مجھے امید ہے حیدرآباد کی طرح یہاں بھی مداحوں کی سپورٹ ملے گی۔
ان کا کہنا ہے کہ کوشش ہو گی کہ کل کے میچ میں اچھی پرفارمنس دیں۔ہر شہر کی طرح یہاں بھی کنڈیشنز مختلف ہیں، جہاں زیادہ وقت گزرتا ہے وہاں کی کنڈیشنز کو جاننے میں مدد ملتی ہے، حیدر آباد میں ہمارا بہت وقت گزرا۔
بابر اعظم نے کہا کہ باؤلرز کے پاس مارجن کم ہے، باؤلرز کو کہا ہے لینتھ پر قابو رکھیں، بھارت کے ٹاپ آرڈر کو کیسے آؤٹ کرنا ہے اس کے لیے پلان کرتے ہیں۔
انہوں نے مزید کہا ہے کہ میرے ذہن میں یہ نہیں ہوتا کہ اس میچ کی وجہ سے میری کپتانی چلی جائے گی، میرا اللہ پر بھروسہ ہے، مجھے ایک میچ کی وجہ سے کپتانی نہیں ملی اور نہ جائے گی۔