اوپن مارکیٹ میں ڈالر کی ٹرپل سنچری مکمل ،انٹر بینک میں بھی مہنگا

کراچی(پاک ترک نیوز) اوپن مارکیٹ میں ڈالر کی ٹرپل سنچری مکمل ہوگئی ۔دوسری جانب انٹر بینک میں بھی ڈالر کی قیمت میں اضافے کا سلسلہ جاری ہے ۔
کاروباری ہفتے کے پہلے روز اوپن مارکیٹ میں بھی ڈالر نے ٹرپل سنچری مکمل کر لی۔انٹربینک میں امریکی کرنسی ڈالر کی 3 روپے 26 پیسے اضافے کے بعد291 روپے 75 پیسے پر ٹریڈ کر رہی ہے۔
گزشتہ ہفتے کاروباری دن کے اختتام پر انٹربینک میں ڈالر 288 روپے 49 پیسے پر بند ہوا تھا۔
دوسری جانب اوپن مارکیٹ میں بھی امریکی کرنسی کی قیمت میں 2 روپے 50 پیسے کا اضافہ ہوا جس سے اوپن مارکیٹ میں ڈالر 300 روپے پر فروخت ہو رہا ہے۔