نگورنو کاراباخ کی غیر تسلیم شدہ جمہوریہ کے سابق سربراہ وردانیان گرفتار

یریوان(پاک ترک نیوز)نگورنو کاراباخ کی غیر تسلیم شدہ جمہوریہ کے سابق سربراہ وردانیان کو آذربائیجان کی سرحد پر اس وقت گرفتار کر لیا گیا جب وہ آرمینیا کے صوبہ سیونک میں گوریس جانے کی کوشش کر رہے تھے۔
ذرائع کے مطابق وردانیان کو اس وقت حراست میں لیاگیا جب وہ اکاری پل کو عبور کر رہا تھا۔ تاہم ابھی تک آذربائیجان اور آرمینیا دونوں سے سرکاری تبصرے حاصل نہیں کیے ہیں۔وردانیان کو نومبر 2022 میں غیر تسلیم شدہ جمہوریہ کا سربراہ مقرر کیا گیا تھا اور انہیں فروری میں اس عہدے سے ہٹا دیا گیا تھا۔
ایک روسی تاجر، وردانیان نے 1991 میں روس کے سب سے قدیم بروکریج Troika Dialog کی مشترکہ بنیاد رکھی اور وہ ماسکو سکول آف مینجمنٹ سکولکووو کے پہلے صدر بھی تھے۔ ستمبر 2022 میں، اس نے اپنی روسی شہریت ترک کر دی اور نگورنو کاراباخ چلا گیا۔