استنبول (پاک ترک نیوز)ترکیہ کے صدر رجب طیب اردوان کا کہنا ہے کہ ہم روس پر مغرب کی پابندیوں کے پابند نہیں ہیں ۔
تفصیلات کےمطابق ترکیہ کے صدر رجب طیب اردوان نے اگلے ہفتے ہونے والے صدارتی انتخابات کے دوڑ سے قبل ایک خصوصی انٹرویو میں کہا کہ ہم اس مقام پر نہیں ہیں جہاں ہم روس پر پابندیاں عائد کریں گے جیسا کہ مغرب نے کیا ہے۔ ہم مغرب کی پابندیوں کے پابند نہیں ہیں
ترک صدر کا کہنا تھا کہ ماسکو کے خلاف مغربی پابندیوں کو مضبوط کرنے کیلئے انقرہ پر بڑھتے ہوئے دباؤ کے باوجود ترکیہ کے روسی صدر ولادیمیر پوٹن کے ساتھ ایک "خصوصی” اور بڑھتے ہوئے تعلقات ہیں۔
ترک صدر اردوان نے سی این این کے بیکی اینڈرسن کو بتایاکہ ہم ایک مضبوط ریاست ہیں اور ہمارے روس کے ساتھ مثبت تعلقات ہیں۔
انہوں نے مزید کہا کہ روس اور ترکی کو ہر میدان میں ایک دوسرے کی ضرورت ہے۔
اردوان ترکیہ کی صدارتی دوڑ میں واضح طور پر سب سے آگے ہیں جو 28 مئی کو رن آف ووٹ کی طرف بڑھ رہے ہیں۔ وہ اور ان کے اہم حریف، کمال کلیک دار اوغلو، مغرب اور روس کے ساتھ سفارت کاری سمیت خارجہ پالیسی کے متعدد معاملات پر اختلاف کر چکے ہیں۔