ورلڈ کپ : آسٹریلیا کو آج نیدر لینڈز کا چیلنج درپیش

نئی دہلی (پاک ترک نیوز) آئی سی سی ورلڈ کپ 2023کے 24ویںمیچ میں آسٹریلیا کو آج نیدرلینڈز کا چیلنج درپیش ہے ۔
تفصیلات کے مطابق بھارتی شہر نئی دہلی میں آئی سی سی ورلڈ کپ 2023کے 24ویں میچ میں نیدر لینڈز اور آسٹریلیا آج مد مقابل ہوں گے ۔پاکستانی وقت کے مطابق یہ میچ دن ایک بج کر 30منٹ پر شروع ہو گا۔
آسٹریلیا نے میگا ایونٹ میں اب تک 4میچز کھیلےہیں جن میں سے اسے 2میں کامیابی جبکہ 2میں شکست کا سامنا کرنا پڑا ہے ۔ نیدر لینڈز نے بھی چار میچز کھیل کر ایک میں کامیابی حاصل کی ہے اور تین میں اسے ناکامی کا منہ دیکھنا پڑا ہے ۔
پوائنٹس ٹیبل پر آسٹریلیا نمبر چار پر موجود ہے جبکہ نیدر لینڈز ساتویں پوزیشن پر براجمان ہے۔
گزشتہ روز کھیلے گئے میچ میں سائوتھ افریقہ نے بنگلہ دیش کو 149رنز کے بڑے مارجن سے شکست دی تھی۔