ورلڈ کپ :آسٹریلیا کا نیوزی لینڈ کو جیت کیلئے 389رنز کا ہدف

دھرم شالہ (پاک ترک نیوز) آئی سی سی ورلڈ کپ 2023کے 27ویں میں میچ میں آسٹریلیا نے نیوزی لینڈ کو جیت کیلئے 389رنز کا ہدف دیدیا۔
تفصیلات کےمطابق دھرم شالہ میں جاری آئی سی سی ورلڈ کپ 2023کے 27ویں میچ میں نیوزی لینڈ نے ٹاس جیت کر پہلے بائولنگ کا فیصلہ کیا ۔
آسٹریلین اوپنرز نے 175رنز کا اچھا آغاز فراہم کیا ۔آسٹریلوی اوپنر بلے باز ڈیو ڈ وارنر 81رنز بنا کر آئوٹ ہوئے ۔ آسٹریلیا کی پوری ٹیم 49.2اوورز میں 388رنز بنا سکی ۔
آسٹریلیا کی جانب سے ٹریوس ہیڈ نے 109جبکہ ڈیوڈ وارنر نے 81رنز بنائے ۔نیوزی لینڈ کی جانب سے ٹرینٹ بولٹ اور گلین فلپ نے تین تین وکٹیں حاصل کی ۔
آسٹریلیا اور نیوزی لینڈ نے اس سے قبل میگا ایونٹ میں پانچ پانچ میچز کھیلے ہیں ۔ کیوی ٹیم پوائنٹس ٹیبل پر تیسرے جبکہ آسٹریلیا چوتھے نمبرپر موجود ہے ۔