ورلڈ کپ : انگلینڈ اورسری لنکا میں آج جوڑ پڑے گا

بنگلورو (پاک ترک نیوز) آئی سی سی ورلڈ کپ 2023کے 25ویں میچ میں آج سری لنکا اور انگلینڈ میں جوڑ پڑے گا۔
تفصیلات کے مطابق بھارتی شہر بنگلورو میں ورلڈ کپ کے 25ویں میچ میں دفاعی چیمپئن انگلینڈ اور سری لنکا کے درمیان جوڑ پڑے گا ۔
پاکستانی وقت کے مطابق یہ میچ دن ایک بج کر تیس منٹ پر شروع ہو گا ۔دونوں ٹیمیں اب تک چار میچز کھیل چکی ہیں جس میں دونوں ٹیمیں ایک ایک میچ میں کامیابی حاصل کر سکی ہیں جبکہ تین تین میچز میں ناکامی کا منہ دیکھنا پڑا ہے ۔
گزشتہ روز کھیلےگئے میچ میں آسٹریلیا نے نیدر لینڈز کو 309رنز کے بڑے مارجن سےشکست دی تھی ۔