ورلڈ کپ :انگلینڈ اور نیدر لینڈز آج مد مقابل

پونے (پاک ترک نیوز) آئی سی سی ورلڈ کپ 2023کے 40ویں میچ میں انگلینڈ کا مقابلہ آج نیدر لینڈز سے ہو گا۔
تفصیلات کےمطابق بھارتی شہر پونے میں جاری آئی سی سی ورلڈ کپ میں انگلینڈ اورنیدر لینڈز آج مد مقابل آئیں گے ۔
میگا ایونٹ میں انگلینڈ نے سات میچز کھیلے ہیں تاہم اسے صرف ایک میچ میں ہی کامیابی حاصل ہوئی ہے۔ انگلینڈ اپنا آخری میچ پاکستان کیخلاف 11نومبر کو کھیلے گی ۔
دوسری جانب نیدر لینڈ نے بھی اب تک سات میچز ہی کھیلے ہیں تاہم میگا ایونٹ میں وہ دوکامیابیاں سمیٹنے میں کامیاب رہے ہیں ۔
یاد رہے کہ دونوں ٹیمیں ورلڈ کپ میں سیمی فائنل کی دوڑ سے باہرہو چکی ہیں تاہم دونوں ٹیموں کیلئے چیمپئنز ٹرافی 2025میں رسائی کیلئے یہ میچ انتہائی اہمیت کا حامل ہے ۔