ورلڈ کپ : نیوزی لینڈ کا بنگلہ دیش کیخلاف ٹاس جیت کر فیلڈنگ کا فیصلہ

چنئی (پاک ترک نیوز) بھارت میں جاری آئی سی سی ورلڈ کپ 2023کے 11ویں میچ میں نیوزلینڈ نے ٹاس جیت کر پہلے فیلڈنگ کا فیصلہ کیا ہے ۔
تفصیلات کے مطابق بھارتی شہر چنئی میں جاری آئی سی سی ورلڈ کپ 2023کے 11ویں میچ میں نیوزی لینڈ نے ٹاس جیت کر بنگلہ دیش کیخلاف بائولنگ کا فیصلہ کیا ہے ۔
نیوزی لینڈ نے ورلڈ کپ میں اب تک دو میچ کھیلے ہیں اور 4پوائنٹس کے ساتھ دوسرے نمبر پر موجود ہے جبکہ بنگلہ دیش بھی اب تک 2میچ میگا ایونٹ میں کھیل چکی ہے جس میں ایک میں اسے کامیابی حاصل ہوئی جبکہ دوسرے میچ میں شکست کا سامنا کرنا پڑا تھا ۔ بنگال ٹائیگرز پوائنٹس ٹیبل پر 2پوائنٹس کے ساتھ چھٹے نمبر پر موجود ہیں ۔
دوسری جانب آئی سی سی ورلڈ کپ میں روایتی حریف پاکستان اوربھارت کے درمیان ہائی وولٹیج میچ کل احمد آباد میں کھیلا جائے گا۔