ورلڈ کپ: پاکستان اور انگلینڈ اہم میچ میں آج مد مقابل

کولکتہ (پاک ترک نیوز) آئی سی سی ورلڈ کپ 2023کے 44ویں میچ میں پاکستان اور انگلینڈ اہم میچ میں آج مد مقابل ہوں گے ۔
تفصیلات کےمطابق بھارتی شہر کولکتہ کے ایڈن گارڈنز سٹیڈیم میں آئی سی سی ورلڈ کپ 2023کے 44ویں میچ میں پاکستان کو دفاعی چیمپئن انگلینڈ کا چیلنج درپیش ہے۔
پاکستان کو سیمی فائنل میں جانے کیلئے بہت بڑے مارجن کے ساتھ انگلینڈ پر فتح درکار ہو گی ۔
پاکستان نے میگا ایونٹ میں 8میچز کھیلے ہیں اور اسے 4میں کامیابی جبکہ چار میں ہی شکست کا سامنا کرنا پڑا ہے ۔
دوسری جانب انگلینڈ کی ٹیم میگا ایونٹ میں خاص کارکردگی کا مظاہرہ کرنے میں ناکام رہی ہے اور اس نے 8میچز میں سے صرف دو میں کامیابی حاصل کی ہے اور اسے 6میچز میں ناکامی کا سامنا کرنا پڑا ہے ۔