احمد آباد (پاک ترک نیوز)آئی سی سی ورلڈ کپ 2023کے 12ویں میچ میں پاکستان کی پوری ٹیم بھارت کیخلاف 191رنز پر آئوٹ ہو گئی ۔
تفصیلات کے مطابق بھارت کے شہر احمد آباد کے نریندر مودی سٹیڈیم میں پاکستان کی پوری ٹیم بھارت کیخلاف 191رنز بنا کر آئوٹ ہوگئی۔
بھارت نے ٹاس جیت کر پہلے فیلڈنگ کا فیصلہ کیا ۔ پاکستان کے ابتدائی بلے باز بڑا سکور کرنے میں ایک بار پھر ناکام ہوئے اور 47کے مجموعی سکور پر پہلی وکٹ گر گئی ۔ عبداللہ شفیق 20رنز بنا کر پویلین لوٹ گئے ۔
امام الحق 35رنز بنا کر پانڈیا کا شکار بنے ۔ تیسرے آئوٹ ہونیوالے بلے باز کپتان بابر اعظم تھے جنہوں نے 50رنز بنائے ۔ محمد رضوان 49رنز جبکہ سعود شکیل محض 6رنز بنا سکے ۔
افتخار احمد 4،شاداب خان 2،محمد نواز 4جبکہ حسن علی 12رنز بنا کر آئوٹ ہوئے ۔
6پاکستانی بلے باز ڈبل فیگر میں بھی داخل نہ ہو سکے ۔
بھارت کی جانب سے پانچ بائولرز نے دو دو وکٹیں حاصل کیں ۔