ورلڈ کپ :سائوتھ افریقہ کی بنگلہ دیش کیخلاف بیٹنگ جاری

وانکھنڈے (پاک ترک نیوز) آئی سی سی ورلڈ کپ 2023کے 23ویں میچ میں جنوبی افریقہ کی بنگلہ دیش کیخلاف بیٹنگ جاری ہے ۔
تفصیلات کے مطابق بھارتی شہر وانکھنڈے میں جاری آئی سی سی ورلڈ کپ 2023کے 23ویں میچ میں سائوتھ افریقہ نے بنگلہ دیش کیخلاف ٹاس جیت کر پہلے بیٹنگ کا فیصلہ کیا ہے ۔
دونوں ٹیمیں میگا ایونٹ میں اب تک چار میچز کھیل چکی ہیں ۔ سائوتھ افریقہ 6پوائنٹس کے ساتھ تیسرے جبکہ بنگلہ دیش دو پوائنٹس کے ساتھ ساتویں نمبر پر موجود ہے۔
گزشتہ روز کھیلے گئے میچ میں افغانستان نے پاکستان کو 8وکٹوں سے بآسانی شکست دیدی تھی ۔پاکستانی ٹیم نے پانچ میچ کھیل کر 4پوائنٹس حاصل کئے ہیں اورپوائٹس ٹیبل پر پانچویں نمبر پر موجود ہے۔