حیدر آباد (پاک ترک نیوز) آئی سی سی ورلڈ کپ 2023کے آٹھویں میچ میں سری لنکا نے پاکستان کیخلاف 345رنز کا ہدف دیدیا ۔
تفصیلات کےمطابق بھارتی شہر حیدر آباد میں جاری آئی سی سی ورلڈ کپ 2023کے آٹھویں میچ میں سری لنکا نے ٹاس جیت کر پہلے بیٹنگ کا فیصلہ کیا ۔
سری لنکا نے مقررہ پچاس اوورز میں 9وکٹوں کے نقصان پر 344رنز بنائے ۔ سری لنکا کی جانب سے کوشال مینڈس نے 122،سمارا وکرما نے 108رنز بنائے ۔
پاکستان کی جانب سے حسن علی نے 4جبکہ شاہین آفریدی ، محمد نواز اور شاداب خان نے ایک ایک وکٹ حاصل کی۔