کیوی سپنر ‘اعجاز پٹیل’ آئی سی سی پلیئر آف دا منتھ قرار
دبئی(پاک ترک نیوز) آئی سی سی نے پلیئر آف دی منتھ کا اعلان کردیا ۔ کیوی سپنر اعجاز پٹیل آئی سی سی پلیئر آف دی منتھ کا ایوارڈ لے اڑے۔
تفصیلات کے مطابق نیوزی لینڈ کے سپنر اعجاز پٹیل آئی سی سی پلیئر آف دا منتھ قرار ، اعجاز پٹیل نے دسمبر میں بھارت کے خلاف میچ میں 14 وکٹیں لی تھیں۔
اعجاز پٹیل نے ٹیسٹ میچ کی ایک اننگز میں 10 کھلاڑیوں کو آؤٹ کیا تھا، نیوزی لینڈ کے اسپنر اننگز میں 10 وکٹیں لینے والے دنیا کے تیسرے بائولر ہیں۔
اعجاز پٹیل سے قبل جم لیکر اور انیل کمبلے کسی ٹیسٹ میچ کی ایک اننگز میں 10،10 وکٹیں لے چکے ہیں۔
آئی سی سی کی طرف سے پلیئر آف دا منتھ کے لئے نامزدہ کردہ کھلاڑیوں میں بھارت کے ماینک اگروال اور آسٹریلیا کے مچل اسٹارک بھی شامل تھے۔