ولنیئس (پاک ترک نیوز)
ترکی یوئیفا نیشنز لیگ میں اپنی شاندار فارم کو جاری رکھتے ہوئے لیگ ۔سی، گروپ 1 کے میچ میں لتھوانیا کے خلاف 6-0سے فتح حاصل کر کے گروپ میں پہلی پوزیشن پربرقرار ہے ۔
لتھوانیا کے دارالحکومت ولنیئس میںمنگل کی شب کھیلے گئے میچ میںترکی کی قومی فٹ بال ٹیم کی جانب سے اپنا پہلا میچ کھیلتے ہوئےدوگکان سینک نے کھیل کے دوسرے منٹ میںپہلا گول اور 14ویں منٹ میں ایک اور گول کر کے ترکی کومیچ میں0-2 کی برتری دلا دی۔
دوسرے ہاف میں ترکی کو ڈیفنڈر پیجوس سیرویس کے ہینڈ بال کےنتیجے میں 56 ویںمنٹ میں پنالٹی ملی جس پر سردار دورسن نےگول کیا اور پھر دورسن نے ہی 81ویں منٹ میں ایک اور گول کیا۔ جب کہ یونس اکگن نے 89ویں منٹ میں اپنی ٹیم کا پانچواں گول کیا۔اور اسکےدو منٹ بعد، حلیل درویش اولو نے اسٹاپیج ٹائم کے دوران گول کر کے ترکی کو لتھوانیا پرا0-6سے برتری دلادی۔
اس جیت کےبعد ترکی چھ پوائنٹس کے ساتھ گروپ اسٹینڈنگ میں سرفہرست اور لیتھوانیا ایک بھی پوائنٹ کے بغیر سب سے نیچے ہے۔