استنبول (پاک ترک نیوز) ترکیہ کے شہر استنبول میں مسافروں کی سہولت کیلئے نئی فیری لائنوں کا آغاز ہو گیا ۔استنبول میٹروپولیٹن میونسپلٹی (IBB) کے ٹرانسپورٹیشن کوآرڈینیشن سینٹر نے گزشتہ ماہ نئی لائنوں کے آغاز کی منظوری دی تھی۔
تفصیلات کے مطابق استنبول میں آج سے بحیرہ مارمارا اور باسپورس میں مزید فیریز پانی سے ٹکرائیں گی کیونکہ شہر اپنے سمندری نقل و حمل کے نیٹ ورک کو وسعت دے رہا ہے۔ان فیری لائنوں کے ٹکٹوں کی قیمتیں مختلف ہیں، جبکہ سب سے مہنگی آویکلار۔ بستانسی لائن ہوگی، جوفی سواری 1.7ڈالر (ترکش لیرا 31.8) چارج کرے گی۔ سب سے کم فیس 9.4 ترکش لیراہوگی، چنگل کوئے اور کابتاس کے درمیان ہوگی۔
ڈیڑھ کروڑ سے زیادہ آبادی والے شہر کے ایشیائی اور یورپی اطراف کے درمیان مسافروں کو لے جانے والی سات نئی فیری لائنوں نے آج منگل کے روز سے کام شروع کردیاہے۔
مسافروں کے لیے لائنیں ایشیائی جانب کاڈیکوئیےاور یورپی جانب ایوپ سلطان کے درمیان، آویکلار اور کاڈیکوئیے، آویکلاراور بستانسی کے درمیان، ضلع مالتپے اور پرنسز جزائر کے درمیان، اور کنگل باسکوکے درمیان دستیاب ہوں گی۔فیری لائن، جس کا سفر کا وقت تقریباً 50 منٹ ہے، ہر گھنٹے میں ایک بار چلے گی۔ ایک فیری میں 400 مسافروں کی گنجائش ہے۔ لائن روزانہ 12 بار کام کرے گی۔
مسافروں کو فیری لائنوں اور میونسپلٹی کے ذریعہ چلنے والے بڑے پیمانے پر نقل و حمل کے دیگر ذرائع سے تمام منتقلی کے لئے50 فیصدرقم کی واپسی ہوگی۔
استنبول کے میئر اکریم امامو اوغلو نے شہر کے لیے سمندری سفر کے اختیارات کو بڑھانے کا وعدہ کیا تھا اور حال ہی میں سمندری ٹیکسیاں متعارف کروائی تھیں جو پورے شہر میں چلیں گی۔