واشنگٹن (پاک ترک نیوز) امریکہ میں سماجی رابطے کی ویب سائٹ ٹک ٹاک پر بم سے سکولوں کو اڑانے کی دھمکیاں ملنے کے بعد کئی ریاستوں میں سکولوںکو بند کردیا گیا ۔سکیورٹی حکام نے دھمکیاں ملنے کے بعد فوری تحقیقات کا آغاز کر دیا ۔
تفصیلات کے مطابق امریکہ میں اسکولز پر فائرنگ کی دھمکی وائرل ٹک ٹاک پر دی گئی۔ ٹک ٹاک ویڈیو میں کہا گیا کہ جن کو اپنی جان پیاری ہے وہ جمعہ کو سکول نہ جائیں۔
عالمی میڈیا کے مطابق ریاست کیلفورنیا، منی سوٹا، ٹیکساس، میسوری میں آج اسکول بند رہیں گے، پولیس کی جانب سے امریکہ کی ریاستوں کے سکولز میں سیکیورٹی ہائی الرٹ کردی گئی۔ٹک ٹاک کی جانب سے ایسی دھمکی آمیز ویڈیو پر سیکورٹی اداروں کے ساتھ کام کرنے کی ٹوئٹ کی گئی ہے۔