ترک صدر رجب طیب اردوان نے پراگ میں پریس کانفرنس کرتے ہوئے اعلان کیا، کہ انقرہ صرف فن لینڈ کی درخواست کی حمایت کے لیے تیار ہے۔وہ سویڈن کے لیے ایسا کرنے کے لیے تیار نہیں ہے۔
ترک صدر نے کہا کہ دونوں نورڈک ممالک الگ الگ وقت میں اس اتحاد میں شامل ہو سکتے ہیں۔پراگ میں پریس کانفرنس سے خطاب کرتے ہوئے، ترک رہنما کا کہنا تھا کہ فن لینڈ کے ساتھ انقرہ کے تعلقات سویڈن کے ساتھ تعلقات سے مختلف ہیں۔ فن لینڈ ایسا ملک نہیں ہے جہاں دہشت گرد آزادانہ گھوم رہے ہوں، جب کہ سویڈن ایک ایسی جگہ ہے جہاں دہشت گردی عروج پر ہے۔اس لیے فن لینڈ اور سویڈن کے حوالے سے نیٹو کو فیصلہ کرنا ہو گا۔ اگر نیٹو فن لینڈ کے حق فیصلہ کرے گا تو یقیناً وہ سب کچھ کریں گے جس کی ضرورت ہے۔
فن لینڈ کے وزیر دفاع اینٹی کیکونن نے اس بات کی تصدیق کی کہ ان کا ملک سویڈن کے ساتھ مل کر نیٹو کی رکنیت کے لیے راستہ بنا رہا ہے ۔
ترک حکومت نے جون میں سٹاک ہوم اور ہیلسنکی نے جون میں حوالگی کی درخواستوں کا جواب دینے، برآمدی کنٹرول کو ہٹانے اور انقرہ کو دہشت گرد سمجھے جانے والے گروپوں کی حمایت بند کرنے کا وعدہ کے 10 نکاتی معاہدے پر دستخط کے بعد مخالفت واپس لے لی ۔ گروپوں میں دو نورڈک ریاستوں میں سیاسی پناہ کی درخواست کرنے والے کردستان ورکرز پارٹی (PKK) کے کارکن اور امریکہ میں جلاوطنی کی زندگی گزارنے والے عالم فتح اللہ گولن کے پیروکار بھی شامل ہیں۔
سویڈن اور فن لینڈ نے نیٹو شمولیت کے لیے انقرہ کی منظوری حاصل کرنے کے لیے جولائی سے متعدد اقدامات کیے ہیں۔ گزشتہ ہفتے سویڈن نے ترکیہ پر اسلحے کی پابندی ختم کرنے کا اعلان کیا تھا۔ سویڈن نے 2019 میں شام میں کرد باغیوں کے خلاف فوجی کارروائی پر ترکیہ پر عائد کی تھی۔
جولائی میں سویڈش ارکان پارلیمنٹ کے PKK کے جھنڈوں کے ساتھ پوز کی تصاویر کے بعد سے سویڈن اور ترکی کے درمیان تعلقات سرد مہری کا شکار تھے۔ جبکہ گزشتہ دنوں ترکی نے ایک ٹی وی پروگرام پر سویڈن کے سفیر کو طلب کیا تھا۔
نیٹو میں شمولیت کے لیے کسی ملک کو تمام موجودہ اراکین کی متفقہ رضامندی کی ضرورت ہوتی ہے۔ Türkiye کے علاوہ ہنگری نے بھی ہیلسنکی اور اسٹاک ہوم کے الحاق کو ابھی تک منظور نہیں کیا ہے۔ اگرچہ بوڈاپیسٹ نے نورڈک ممالک کی رکنیت پر کوئی اعتراض نہیں کیا ہے لیکن حکومت نے پارلیمنٹ میں ووٹنگ میں تیزی نہ لانے کا انتخاب کیا۔
فن لینڈ اور سویڈن، جو کئی دہائیوں سے غیر جانبدار ملک رہے ہیں، نے یوکرین میں روس کے فوجی آپریشن کے تناظر میں نیٹو میں شمولیت کا فیصلہ کیا۔