استنبول (پاک ترک نیوز)
استنبول کے علاقے بیرمپاسا کے ایک کاروباری مرکز میں آگ لگ گئی۔ جلتے ہوئے کاروباری مرکز میں پھنسے 9 افراد کو ایک ایک کر کے بچا لیا گیا۔
بیرمپاسا کی بلکان سٹریٹ میں 4 منزلہ کاروباری مرکز کی نچلی منزل میں لگنے والی آگ میں 9 افراد پھنس گئے۔ فائر بریگیڈ کی ٹیموں نے آگ پر قابو پالیا۔ عمارت میں پھنسے 9 افراد کو ریسکیو کرکے اسپتال منتقل کر دیا گیا۔ جبکہ آگ بجھانے کی کوششوں میں 4 فائر فائٹرز دھویں سے متاثر ہوئے۔
مقامی میڈیا کے مطابق آگ صبح 10:00 بجے کے قریب بلکان سٹریٹ پر واقع 4 منزلہ کاروباری مرکز کی نچلی منزل میں لگی۔ آگ لگنے کی وجہ معلوم نہ ہو سکی۔