انقرہ (پاک ترک نیوز) ترک وزارت خارجہ کے مطابق وزیر خارجہ ہاکان فیدان نے سویڈن سے قرآن مجید کو جلانے کی روک تھام کے لیے ٹھوس اقدامات کرنے کا مطالبہ کیا ہے۔
سویڈن اور ڈنمارک میں حالیہ ہفتوں میں متعدد واقعات دیکھنے میں آئے ہیں جہاں اسلام کی مقدس کتاب کے نسخوں کو نقصان پہنچایا گیا ہے یا جلا دیا گیا ہے جس سے مسلمانوں میں غم و غصہ پایا جاتا ہے۔ جلانے کے ردعمل میں بغداد میں سویڈن کے سفارت خانے پر مظاہرین نے دھاوا بول دیا اور جزوی طور پر نذر آتش کر دیا۔
اسلامی تعاون تنظیم (او آئی سی) آج ہونے والے اجلاس میں بحران پر بات کرے گی۔
فیڈان نے ٹیلی فونک گفتگو میں اپنے سویڈش ہم منصب ٹوبیاس بلسٹروم کو بتایا کہ اظہار رائے کی آزادی کی آڑ میں اس طرح کے "گھناؤنے اقدامات” کا تسلسل ناقابل قبول ہے۔