انقرہ (پاک ترک نیوز) ترکیہ کی جولائی میں برآمدات 8.3 فیصد بڑھ کر 20 بلین ڈالر تک پہنچ گئیں۔
ترکیہ کے وزیر تجارت عمر بولات نے بتایا ہے کہ جولائی میں ترکیہ کی برآمدات 20.09 بلین ڈالر تھیں، جو سالانہ بنیادوں پر 8.4 فیصد زیادہ ہیں۔
عمر بولات کا کہنا ہے کہ جنوری سے جولائی تک ملک کی برآمدات 143.4 بلین ڈالر رہیں جن میں سالانہ بنیاد پر معمولی کمی ہوئی ہے ۔
انہوں نے مزید کہا کہ گزشتہ 12 ماہ کی مدت کے دوران برآمدات 2.1 فیصد بڑھ کر 253.38 بلین ڈالر تک پہنچ گئیں۔
انہوں نے کہا کہ یہ عالمی پیداوار میں جمود کے باوجود حاصل کیا گیا، خاص طور پر ہماری سب سے بڑی برآمدی منڈی، یورپی یونین، عالمی معیشت میں پیداوار اور تجارتی حجم میں کمی کے ساتھ ساتھ عالمی تجارتی قیمتوں اور اجناس کی قیمتوں میں نمایاں کمی ہوئی ہے ۔
بولات نے کہا کہ ملک کی مجموعی برآمدات میں درمیانی اور اعلیٰ ٹیکنالوجی کا حصہ 2022 میں 36.9 فیصد سے بڑھ کر اس سال کے پہلے سات مہینوں میں 40.8 فیصد ہو گیا۔
ترک وزیر تجارت نے کہا کہ جولائی میں، ترکیہ کی درآمدات 11.1 فیصد بڑھ کر 32.47 بلین ڈالر تک پہنچ گئیں، جب کہ پہلے سات ماہ کی مدت میں ان کی کل 217.5 بلین ڈالر تھی، جو سالانہ بنیادوں پر 5.1 فیصد زیادہ ہے۔
انہوں نے مزید کہا کہ سات ماہ کی مدت میں ملک کی توانائی کی درآمدات 26 فیصد کم ہو کر 41.1 بلین ڈالر رہ گئیں۔